Prins­essupeysa úr Fló­an­um

Mar­grét Jóns­dótt­ir, til vinstri, og Ragn­hild­ur Jóns­dótt­ir. Peys­an sem Mar­grét er í er mjög áþekk þeirri sem norska krón­prins­ess­an fékk að gjöf í vik­unni í op­in­berri heim­sókn for­seta Íslands til Nor­egs. Ljós­mynd/Fann­dís Huld Valdi­mars­dótt­ir

Mar­grét Jóns­dótt­ir, til vinstri, og Ragn­hild­ur Jóns­dótt­ir. Peys­an sem Mar­grét er í er mjög áþekk þeirri sem norska krón­prins­ess­an fékk að gjöf í vik­unni í op­in­berri heim­sókn for­seta Íslands til Nor­egs. Ljós­mynd/Fann­dís Huld Valdi­mars­dótt­ir

Meðal góðra gjafa sem Guðni Th. Jó­hann­es­son, for­seti Íslands, af­henti norsku kon­ungs­fjöl­skyld­unni í op­in­berri heim­sókn sinni til Nor­egs fyrr í vik­unni var prjónuð lopa­peysa til handa Mette-Ma­rit krón­prins­essu.

Flík­in er með fal­legu rósam­ynstri og er hönn­un Mar­grét­ar Jóns­dótt­ir á bæn­um Syðra-Velli í Flóa. Ragn­hild­ur Jóns­dótt­ir á Stokks­eyri hafði það hlut­verk að prjóna eft­ir upp­skrift­inni, en sjálf gekk Mar­grét frá peys­unni, prjónaði lista fram­an á og setti renni­lás.

Geislandi alþýðustúlka

„Það var núna í byrj­un mánaðar­ins sem haft var sam­band við mig frá skrif­stofu for­seta Íslands og fal­ast eft­ir fal­legri gjöf til Mette-Ma­rit. Ég á nokk­urn lag­er af peys­um og fann til tólf slík­ar til kynn­ing­ar. Rósam­ynst­ur­speys­an þótti hæfa best. Já, ég hef lengi fylgst með Mette-Ma­rit, sem var alþýðustúlka í Ósló en varð prins­essa. Hún er geislandi og geðug,“ seg­ir Mar­grét Jóns­dótt­ir, sem hannaði og prjónaði sína fyrstu peysu með rósam­ynstri fyr­ir átján árum. Þá flík fékk dótt­ir henn­ar, Ing­veld­ur Þor­steins­dótt­ir, og peys­urn­ar eru orðnar marg­ar síðan. Mar­grét prjón­ar alltaf eitt­hvað sjálf en sinn­ir nú einkum hönn­un og hef­ur falið Ragn­hildi á Stokks­eyri prjóna­skap­inn sjálf­an.

lPrins­ess­an Mette-Ma­rit og El­iza Reid for­setafrú stinga sam­an nefj­um í einni af mót­tök­un­um í norskri höll vegna heim­sókn­ar­inn­ar frá Íslandi. Ljós­mynd/Myriam Marti

lPrins­ess­an Mette-Ma­rit og El­iza Reid for­setafrú stinga sam­an nefj­um í einni af mót­tök­un­um í norskri höll vegna heim­sókn­ar­inn­ar frá Íslandi. Ljós­mynd/Myriam Marti

„Að prjóna er ástríða mín, ég byrjaði í þessu fimm ára göm­ul,“ seg­ir Ragn­hild­ur Jóns­dótt­ir. Peys­una sem fór til Nor­egs seg­ir hún hafa verið tals­vert kúnst­verk. Í mynstri henn­ar sé átta blaða rós sam­kvæmt upp­skrift­inni og nokk­urt lag þurfi svo allt stemmi. „Ég næ gjarn­an að prjóna tvær til þrjá peys­ur á viku og mér finnst þetta alltaf jafn gam­an. Og það er skemmti­legt og auðvitað ákveðin upp­hefð að vita nú af peysu af mín­um prjón­um sem prins­ess­an mun vænt­an­lega bregða sér í. “

Prjóna­upp­skrift­ir seg­ir Mar­grét Jóns­dótt­ir að þró­ist með tím­an­um þó að meg­in­lín­an haldi sér. Þá skipti máli að lop­inn sem prjónað er úr sé góður, en hún not­ar ein­göngu lopa sem er úr sér­val­inni lambaull sem er unn­in hjá Ístex fyr­ir Ull­ar­vinnsl­una á Þing­borg í Flóa, en Mar­grét er meðal kvenn­anna sem þar starfa. Þar er einnig unnið band sem litað er með jurt­um lág­sveita Fló­ans; svo sem gul­möðru, mjaðjurt, birki­laufi, smára­blóm­um, lúpínu og fleira.

Kon­ung­leg mynstur

Marg­ar út­gáf­ur af peys­um og fleira fal­legt er að finna í ull­ar­vinnsl­unni á Þing­borg. Mar­grét hef­ur raun­ar látið víða til sín taka í hand­verks­menn­ing­unni og prjóna­skap. Má nefna bók­ina Lopal­ist sem hún og Anna Dóra syst­ir henn­ar tóku sam­an. Eru þar alls 26 upp­skrift­ir að peys­um og fleira í ýms­um út­gáf­um og með kon­ung­leg­um mynstr­um.

 Heimild:mbl.is

Byssusýning 2017, Veiðisafnið – Stokkseyri

 

     

 

 

Byssur 2010 003Árleg byssusýning Veiðisafnsins á Stokkseyri sem í ár verður í samvinnu við verslunina Hlað verður haldin laugardaginn

  1. og sunnudaginn 26. mars 2017 frá kl. 11–18 í húsakynnum Veiðisafnsins, Eyrarbraut 49 Stokkseyri.

 

Hjálmar í Hlað og félagar sýna úrval skotvopna og búnað til skotveiða ásamt sjónaukum og aukabúnaði, til sýnis og sölu.

Fjölbreytt úrval skotvopna verður til sýnis, haglabyssur, rifflar, skammbyssur, herrifflar ásamt ýmsu tengdu skotveiðum m.a úr einkasöfnum.

 

Thomas Danielsen frá Blaser í Þýskalandi verður á staðnum ásamt Arnfinni Jónssyni byssusmið sem kynnir sýna vinnu.

Kynntir verða rifflar frá Blaser, Sauer, haglabyssur frá Marocchi og Blaser, einnig sjónaukar frá Zeiss og Meopta ásamt hljóðdeyfum frá Hausken, Devik og Freyr, endurhleðsluvörum frá Hornady, Redding, Lyman, Berger Bullets og fl.

 

Einnig verða til sýnis skotvopn og munir frá Sverri Scheving Thorsteinssyni, Sigurði Ásgeirssyni, Einari frá Þverá, Sveini Einarssyni frv.veiðistjóra, Sigmari B. Haukssyni og Drífu-haglabyssur frá Jóni Björnssyni heitnum frá Dalvík svo eitthvað sé nefnt.  Skotvís verður einnig með kynningu á sinni starfsemi.
Allt áhugafólk um skotvopn og veiðar er velkomið, aðgangseyrir er kr.1500.- fl. og 750 kr. börn 6-12 ára.
Nánari upplýsingar má sjá:  www.veidisafnid.is        www.hlad.is

 

 

 

Sæl veri þið.

 

Nú verður þessu að linna, þessum hraðakstri hérna í gegnum þorpin okkar þar sem hámarkshraðinn er 30 km á klst, aka vagnstjórar á 50 km + og er ég búinn að fara nokkrar ferðir með þeim og fylgst með hraða og spurt út í þetta, þeir segja að fyrst má aka á 50 í gegnum Selfoss þ.e. Austurveginn þá sé það í góðu lagi að aka á 50 km hérna á 30 km hámarki en þeir aka á um 70-80 km hraða hérna gegnum þorpin oft á tíðum á þetta stórum bílum og jafnvel sagt að þeir hafi verið hvattir til að tímajafna í gegnum þorpin með auknum hraða, ég hef ekið stórum fólksflutninga bílum í langann þ.m.t. strætó 51 og 52. Barnabörn mín eru mikið hérna á ferðinni og það er alveg fullkomlega nóg fyrir mig að missa eitt barnabarn í sundlauginni á selfossi fyrir vanrækslu eftirlitsaðila þó svo maður þurfi ekki að vera skíthræddur um stálpuð börn okkar hér á milli húsa í friðsælu þorpunum okkar verði fyrir strætó vegna vanhugsaðar tímaáætlunar og veruleikafyrtum bifreiðastjórum,,,nú verður að taka menn af plani og skipuleggja þetta af viti ekki skrifstofustólafólk sem er varla með próf á Yaris hvað þá reynslu af akstri stórra bifreiða, en helling af einhverjum misgáfulegum prófgráðum í einhverju sem er allavega ekki að skila sér í verkefnið sem þau þiggja laun fyrir svona 3 x hærri en bílstjóralaunin eru hjá þeirra bílstjórum eða undir þeirra hatti. Ég hef séð um skólaakstur hérna á svæðinu síðan 2008 á 60 manna bíl á löglegum hraða og gengið fínt. Nú stoppar þessi rússneska rúlleta. Þetta er hreint og klárt lögreglumál og mun ég klárlega vera í sambandi við lögregluna hérna um mun meira aukið eftirlit með þessum akstri.

 

Einn fokvondur þaulvanur hópbifreiðastjóri og hræddur um barnabörnin sín.

 

Birgir Sigurfinnsson. GSM 8981505

 

Ps og ekki reyna að senda einhvern aulapóst um að þetta verði skoðað. heldur póst um að þetta verði lagað. !!!!!

Biggi.

Biggi.

Hamingjuboðskapurinn útbreiddur

börnVettvangsferð nemenda í 3. bekk Barnaskólans á Eyrarbakka og Stokkseyri á Selfoss mánudaginn 6. mars sl. Hugmyndin að þessari ferð var sú að nemendur í BES fóru með jákvæð orð í nokkrar stofnanir við ströndina á baráttudegi gegn einelti þann 8. nóv. sl. Okkur langaði alltaf að láta Hamingjukrukkurnar með jákvæðu orðunum flæða upp á Selfoss. Ákváðu nemendur 3. bekkjar ásamt umsjónarkennara að láta verða af því og fóru með rútu á Selfoss. Fórum á bókasafnið, í ráðhúsið, á lögreglustöðina og að skoða sjúkrabílana. Færðum öllum Hamingjukrukkur með jákvæðum orðum til að hafa á kaffistofunni. Tókum síðan strætó heim. Þessi ferð var í alla staði skemmtileg, áhugaverð og fróðleg. Nemendurnir fengu að skoða, prófa og upplifa marga hluti. Við fengum afar góðar móttökur þar sem við komum.

Gunnhildur Gestsdóttir, umsjónarkennari.bo-300x225bobók-300x250born-300x216