Vísnahornið

Á þorrablóti í Félagslundi í Gaulverjabæjarhreppi var happadrætti. Á meðal vinninga voru afnot af stóðhesti frá Ketilsstöðum, eitt gangmál. Maðurinn sem fékk vinningnn var ekki hestamaður og orti þá Jón Ólafsson frá Selfossi:

Happadrætti höfum glæst
þó hugsun brjóti á skeri.
Ég held í vinning höfum næst
hestakerru og meri.

Ketilsstaða kóngurinn
kann að nota frestinn.
Drífðu þig svo drengur minn
með drógina undir hestinn.