Vísnahornið

Greint var frá á stokkseyri.is, eftir fund í Öldungaráðinu á Stokkseyri s.l. sunnudag, samþykkt öldungaráðsins um að grafa upp vísur eftir hagyrðinga á Stokkseyri fyrr og nú og jafnvel velja síðan bestu vísuna til birtingar í hverri viku. Strax kom fram jákvæður vísnaskjálfti meðal Stokkseyringa og nú er birt hér fyrsta vísan sem kom inn. Hún er frá Torfa Áskelssyni, Töfragarðsbónda, á Helgastöðum, Stokkseyri. Ekki fylgdi með hvort hann væri höfundur vísunnar eða einhver annar hagyrðingur frá Stokkseyri.

Lífsins saga lítilsverð,
leit að skjóli og brauði.
upphafið er uppáferð,
endirinn er dauði.