Vísnahornið

Stefán Anton Jónsson Fæddur 16. nóvember 1922 á Helluvaði á Rangárvöllum. Býr á Sjónarhóli á Stokkseyri. Vísan er í riti Stokkseyringafélagsins í Reykjavík og nágrenni "syrpunni" en hana má nálgast á Bókasafni Stokkseyrar

Stokkseyri

Þú eyrin mín kæra við úthafsins rönd
sem alið og fóstrað mig hefur,
um fjörur og útsker með blikandi bönd
sig blundandi lognaldan vefur
og brimið þar kveður með rymjandi raust
þær rímur sem geymast í minni,
ég lífsfleyi mínu vil leggja í naust
að lokum á ströndinni þinni.