Vísnahornið

Réttardagur var sunnudaginn 11. september í Stokkseyrarhreppi hinum forna. Smalað var á Stokkseyrarheiðum og mýrum og féð rekið heim að hinu margverðlaunaða sauðfjárræktunarbýli Brautartungu hvar bú bræðurnir Sævar, Hörður og Einar Jóelssynir. Hafa þeir unnið til margra verðlauna á hrútasýningum síðustu ára eins og greint hefur verið frá á stokkseyri.is. Það var tæknideild Hrútavina Group sem skipulagði og sá um smalamennskuna nú eins og oftast áður. Góð stemmning var í Brautartungu og sögðu menn sögur og farið var með vísur úr söfnum Hrútavina sem innihalda gríðarlegan fróðleik um líf og störf og jafnvel framtíðarsýn Hrútavina Group. Hér fer ein vísa úr safni Hrútavina Group í tilefni réttardagsins í Brautartungu.

Í Brautartungu bræður búa
búskapur að vonu.
Á framabraut í framtíð snúa
með fullan bæ af konum.