Bækur efla hæfni til skoðanaskipta og styrkja sjálfsmynd

Magnús J. Magnússon

Magnús J. Magnússon

Magnús J. Magnússon, skólastjóri Barnaskólans á Eyrarbakka og Stokkseyri, er lestrarhestur Dagskrárinnar að þessu sinni. Hann hefur alla tíð lagt ríka áherslu á leiklist í kennslu sinni og stjórnun. Magnús hefur verið mikilvirkur í starfi áhugaleikfélaga alveg frá 1970 er hann hóf að starfa með Litla leikklúbbnum á Ísafirði. Hann hefur einnig starfað með Leikfélagi Selfoss, Leikfélagi Hornafjarðar, Leikfélagi Hveragerðis og Leikfélagi Sólheima. Árið 1993 stofnaði Magnús unglingaleikhópinn Lopa og hefur alla tíð síðan unnið með þeim leikhópi og sett upp að meðaltali tvær sýningar á ári. Frá árinu 2008 hefur hann verið í verkefnastjórn fyrir Þjóðleik sem er samvinnuverkefni Þjóðleikhússins og unglingaleikhópa af öllu tagi.

Hvaða bók ertu að lesa núna og hvað vakti áhuga þinn á henni?
Á þesssum tímapunkti eru handrit að leikritum á borðinu hjá mér. Er með handritið að Svefnlausa Brúðgumanum sem Leikfélagið Borg er að sýna undir minni leikstjórn og einnig handrit sem ég er að skoða fyrir unglingana mína á Ströndinni.

Getur þú lýst lestrarvenjum þínum?
Þær hafa breyst örlítið eftir því sem árin hafa liðið. Ég las meira á kvöldin en ég geri núna. En lesturinn er enn bundinn við kvöldin og kannski um miðjan dag á sunnudögum

Hvers konar bækur höfða helst til þín?
Ég hef gengið í gegnum mörg tímabil. Á einu tímabili las ég bara ævisögur. Á öðru las ég allt um seinni heimstyrjöldina. Ég hef líka gengið í gegnum Laxness- og Þorbergstímabil svo eitthvað sé nefnt. En núna eru það góðar sakamálasögur!

Getur þú sagt frá bók sem hafði sérstaklega mikil áhrif á þig?
Það var bókin Kyrtillinn eftir bandaríska rithöfund Lloyd C. Douglas. Þetta er saga í þremur bindum og segir frá rómverskum hershöfðingja á tímum Jesús sem er að velta fyrir sér og skýra kraftaverkin sem Jesus gerði.

Hver er uppáhalds barnabókin þín og hvers vegna?
Það er bókin Bombi Bitt. Mér fannst hún hressandi og öðruvísi. Kannski er hún nær því að vera unglingabók. En það voru einnig bækur eins og Óli Alexander og bækur eftir Ármann Kr. Einarsson sem voru í miklu uppáhaldi hjá mér.

Geta bækur breytt viðhorfi manna? Hvernig?
Bækur breyta viðhorfi manna. Þær efla skilning lesandans á umhverfi sínu, upplýsa hann og auka þekkingu hans á mörgum málum. Efla hæfni hans til margháttaðra skoðanaskipta og styrkja sjálfsmyndina.

Kaffigott opnar eftir vetrarfrí.

Unnur í Kaffigott

Unnur í Kaffigott

Kaffigott er að opna á morgun 4/3 2017 eftir vetrarfrí og verður opið frá 11-17 um helgar í mars.

Úr því,  þ.e í apríl lengist svo viðveran og dögunum fjölgar.

 

Að venju verður gott með kaffinu , vonandi við allra hæfi.

 

Virðingarleysi við heimilisfólk á Kumbaravogi

unnamedBáran stéttarfélag segir það takmarkalaust virðingarleysi við heimilisfólkið á Kumbaravogi að flytja fólkið burt án fyrirvara. Með lokun hjúkrunarheimilisins missi 50 manns vinnuna. Stjórn stéttarfélagsins Bárunnar harmar þá stöðu sem komin er upp varðandi hjúkrunarheimilið á Kumbaravogi, en heimilinu verður lokað á næstunni.

Sjá frétt: Sveitarfélögin tryggi tímabundið rekstur Kumbaravogs

Í ályktun stjórnarinnar segir að lokunin sé takmarkalaust virðingarleysi við heimilisfólkið á Kumbaravogi, sem er flutt hreppaflutningum án nokkurs fyrirvara til dvalar á öðrum stöðum. Einnig sé það er alvarlegt þegar einn af stærri vinnustöðum í sveitarfélaginu lokar og 50 manns missa vinnuna í einu vetfangi. Það eru 50 störf sem tapast í umönnun aldraðra, meirhlutinn  konur.

Mikil óvissa ríkir um starfslok þeirra starfsmanna sem starfa á Kumbaravogi. Stjórn Bárunnar, stéttarfélags hvetur viðkomandi aðila sem bera ábyrgð á starfslokum og velferð starfsmanna að þeim verði sómi sýndur og farið eftir þeim reglum sem gilda á vinnumarkaði.

Heimild:pressan.is

Biggi á skólarútunni að hætta.

Sæl veri þið öll.

Þar sem ég hef hætt akstri skólabíls hérna á ströndinni langar mig að þakka fyrir frábæra samvinnu og traust nemenda og foreldra í gegnum tíðina, en ég hef ekið meira og minna síðan í mars 2008, og það sem mest er um vert að allt gekk þetta slysalaust hjá okkur, og held ég öll börnin sem hafa verið farþegar mínir gegnum tíðina eru vinir og félagar mínir í dag og verða vonandi áfram, það er mikilsvert.

Biggi.

Biggi.

Takk fyrir mig.

Birgir