Tryggðu sér sigur annað árið í röð!

IMG_0019-300x300Nemendur Barnaskólans á Eyrarbakka og Stokkseyri eru sannkallaði lestarhestar því annað árið í röð náðist stórglæsilegur árangur í keppninni Allir lesa. Yngsta stig og miðstig Barnaskólans á Eyrarbakka og Stokkseyri tóku þátt í allirlesa.is þriðja árið í röð en stigin voru skráð í opinn flokk, fjöldi 30-50 manns. Í fyrra vann miðstigið en í ár var það yngsta stigið sem vann og miðstigið var í öðru sæti. 7.-10. bekkur tóku líka þátt og var hver bekkur skráður sem lið í opnum flokki fjöldi 10-29 manns. Sjöan – Bes- 2017 var í 8. sæti Nían – Bes var í 9.sæti og Tían – Bes var í 19. sæti.

Hægt var að taka þátt í einstaklingskeppni og voru nokkrir nemendur í 7. – 10. bekk sem skráðu sig í hana. Eini karlkyns lesarinn sem náði inn á topp 10 listann var Símon Gestur Ragnarsson í 10.bekk með 195 klst. Inni á topp 50 listann áttum við því þrjá nemendur því þangað inn náðu líka Sunna M. Kjartansdóttir Lubecki, með 123,8 klst. og Tanja Rut Ragnarsdóttir, með 106,1 klst.

Þess má geta að skólar á Suðurlandi  urðu í fyrstu þremur sætum í opnum flokki 30-50 manns í landsleiknum allirlesa.is

  1. sæti Yngsta stigið í BES – 23.5 klst.
  2. sæti Miðstigið í BES – 20.9 klst.
  3. Sæti Fjölbrautarskóli Suðurlands – 10.2 klst.

 

Hér má sjá frétt um sigurinn á sarpi RÚV, fréttin um BES hefst eftir 2 mínútur og 52 sekúndur:

http://www.ruv.is/sarpurinn/ruv/krakkafrettir/20170302mid1-300x225yngsta2-1-300x225

 

 

Krakkarnir í Barnaskólanum á Eyrarbakka og Stokkseyri stóðu sig gífurlega vel í landsleiknum Allir lesa.

Krakkarnir í Barnaskólanum á Eyrarbakka og Stokkseyri stóðu sig gífurlega vel í landsleiknum Allir lesa. Yngsta stigið sigraði í sínum flokki og miðstigið hafnaði í 2. sæti! Þau sendu okkur mynd af lestrarhestunum og þessi skemmtilegu skilaboð:

„Smá dæmi um hve mikil áhrif svona keppni hefur.
Fyrsta árið voru útlán 570 bækur á skólasafninu í janúar og febrúar, í fyrra fengu þau 772 bækur að láni á skólasafninu í janúar og febrúar en núna voru það 1015 bækur yfir sama tíma.
Þannig þið eruð heldur betur að hafa áhrif!
Kærar þakkir fyrir frábæran landsleik
og bestu kveðjur frá ölllum í Barnaskólanum“

Mynd frá Allir lesa.

Bækur efla hæfni til skoðanaskipta og styrkja sjálfsmynd

Magnús J. Magnússon

Magnús J. Magnússon

Magnús J. Magnússon, skólastjóri Barnaskólans á Eyrarbakka og Stokkseyri, er lestrarhestur Dagskrárinnar að þessu sinni. Hann hefur alla tíð lagt ríka áherslu á leiklist í kennslu sinni og stjórnun. Magnús hefur verið mikilvirkur í starfi áhugaleikfélaga alveg frá 1970 er hann hóf að starfa með Litla leikklúbbnum á Ísafirði. Hann hefur einnig starfað með Leikfélagi Selfoss, Leikfélagi Hornafjarðar, Leikfélagi Hveragerðis og Leikfélagi Sólheima. Árið 1993 stofnaði Magnús unglingaleikhópinn Lopa og hefur alla tíð síðan unnið með þeim leikhópi og sett upp að meðaltali tvær sýningar á ári. Frá árinu 2008 hefur hann verið í verkefnastjórn fyrir Þjóðleik sem er samvinnuverkefni Þjóðleikhússins og unglingaleikhópa af öllu tagi.

Hvaða bók ertu að lesa núna og hvað vakti áhuga þinn á henni?
Á þesssum tímapunkti eru handrit að leikritum á borðinu hjá mér. Er með handritið að Svefnlausa Brúðgumanum sem Leikfélagið Borg er að sýna undir minni leikstjórn og einnig handrit sem ég er að skoða fyrir unglingana mína á Ströndinni.

Getur þú lýst lestrarvenjum þínum?
Þær hafa breyst örlítið eftir því sem árin hafa liðið. Ég las meira á kvöldin en ég geri núna. En lesturinn er enn bundinn við kvöldin og kannski um miðjan dag á sunnudögum

Hvers konar bækur höfða helst til þín?
Ég hef gengið í gegnum mörg tímabil. Á einu tímabili las ég bara ævisögur. Á öðru las ég allt um seinni heimstyrjöldina. Ég hef líka gengið í gegnum Laxness- og Þorbergstímabil svo eitthvað sé nefnt. En núna eru það góðar sakamálasögur!

Getur þú sagt frá bók sem hafði sérstaklega mikil áhrif á þig?
Það var bókin Kyrtillinn eftir bandaríska rithöfund Lloyd C. Douglas. Þetta er saga í þremur bindum og segir frá rómverskum hershöfðingja á tímum Jesús sem er að velta fyrir sér og skýra kraftaverkin sem Jesus gerði.

Hver er uppáhalds barnabókin þín og hvers vegna?
Það er bókin Bombi Bitt. Mér fannst hún hressandi og öðruvísi. Kannski er hún nær því að vera unglingabók. En það voru einnig bækur eins og Óli Alexander og bækur eftir Ármann Kr. Einarsson sem voru í miklu uppáhaldi hjá mér.

Geta bækur breytt viðhorfi manna? Hvernig?
Bækur breyta viðhorfi manna. Þær efla skilning lesandans á umhverfi sínu, upplýsa hann og auka þekkingu hans á mörgum málum. Efla hæfni hans til margháttaðra skoðanaskipta og styrkja sjálfsmyndina.

Kaffigott opnar eftir vetrarfrí.

Unnur í Kaffigott

Unnur í Kaffigott

Kaffigott er að opna á morgun 4/3 2017 eftir vetrarfrí og verður opið frá 11-17 um helgar í mars.

Úr því,  þ.e í apríl lengist svo viðveran og dögunum fjölgar.

 

Að venju verður gott með kaffinu , vonandi við allra hæfi.